Korea Box Office-ah 'The King's Warden' chungnung

South Korean box office chart tharah historical drama, 'The King's Warden' chuan kar hmasa chhung khan entu mtd 13 nei tlingin a kar rukna atan No 1 ah a la awm a, a la chungnung chhunzawm zel. 'The King's Warden' hian kar hmasa chhung khan USD mtd 8.2 a lak luh belh leh a ni. Kumin February 4-a tihchhuah a nih aṭangin USD mtd 86.8 a la lut tling tawh a, Korean film zinga sum la lut hnem list-ah a lang pha tawh.

Pixar kut chhuak 'Hoppers' chu pahnihnaah awmin, kar hmasa chhung khan USD mts 1.1 a lak luh belh leh a, March 4-a tihchhuah a nih aṭangin USD mtd 3.5 a la lut tawh. March 11-a tihchhuah, local horror-mystery 'Samakdo' chu pathumna niin USD 354,305 a la lut leh a ni. Brad Pitt channa racing drama 'F1' chuan kar hmasa chhung khan USD 322,138 a lak luh belhin palina a ni a, a sum a lak luh tawh zawng zawng chu USD mtd 37.1 a ni. Panganaah espionage thriller 'Humint' awmin, USD 109,668 a lak luh belh leh bawk.