Romeo and Juliet reboot-ah Russell Kane

English actor leh comedian, Russell Kane chu William Shakespeare-a play, Romeo and Juliet reboot-ah Romeo lemah a chang dawn. Newcastle-a Staffordshire-a New Vic Theatre-ah play hi chan a ni ang. A changtu tur dangte chu an la puan belh leh dawn a ni.

Play an chan hun tur hi theatre kum 40 tlin champha niin, autumn season-ah Oscar award lo dawng tawh, Rachel Shenton kutchhuak 'Gladstone Girls' pawh premiere a ni ang. Shenton chuan New Vic stage-a 'Gladstone Girls' an tichhuak tur chu a phur tawh thu a sawi. Play chu chanchin tak tak behchhana siam a nih thu leh, amah ngei pawhin a ngaihhlut thu a sawi. Theatre kum 40 tlin champhaah hian an play hlut tak tak tihchhuahna tur programme an buatsaih dawn tih sawiin, tualchhunga talent nei ṭhate hun remchang siamsakna hun a nih thu a sawi bawk.