'Sarke Chunar' hla platform aṭangin paih chhuak dawn

Nora Fatehi leh Sanjay Dutt-te film thar, 'KD: The Devil' a an hla, 'Sarke Chunar Teri Sarke' chu a hla thu leh visual-ah zahmawh rawngkai a awm tih sawiin, Ministry of Information and Broadcasting chuan Central Board of Film Certification (CBFC) chu khauh taka hma la turin a hriattir a, media platform zawng zawng aṭanga paih chhuak turin a ti.

He hla hi tlangzarh a nih aṭangin a hla thu leh visual chuan social media-ah sawisel a hlawh nasa hle a, National Human Rights Commission (NHRC) chuan he hla Hindi version chu YouTube aṭanga paih a nih tawh thu a tarlang. Sorkar pawhin censor board chu platform zawng zawng aṭanga paih turin a hriattir leh ta bawk a ni. Official-te chuan film leh music video material-te chu uluk takin a thlithlai tawh dawn tih sawiin, mipui vantlang hmuh atana him lo darh zel tur venna atan a ṭul a nih chuan film certification dan awmsa pawh thlak danglam a ni dawn tih an tarlang.