Apple-in background security tlangzarh

American multinational technology company, Apple chuan iPhone, iPad leh Mac-a Safari web browser-a security tihchakna turin a vawi khatna atan background security improvement update a tlangzarh. Thawhlehnia security advisory thar an tihchhuahah, Apple chuan security researcher-in Safari leh app dangte tichak thei browser engine WebKit-ah bug an hmuchhuak tih an sawi.

Update thar hi iPhone, iPad leh Mac-a iOS, iPadOS leh macOS version thar ber (ver.26.1 leh a aia sang) ah a hman theih dawn a ni. Apple chuan background security thar an tlangzarh chhan hi an sawi lang lo. Background security update hi download a nih chuan device chu software update aiin rang zawkin a in restart dawn a ni. Security update thar an puan rual hian Apple chuan software tester-te hnenah update feature thar hi enchhinna nei turin a tichhuak a ni.