Pink Floyd guitar USD mtd 14.6 in hralh

English rock band Pink Floyd lead guitarist, David Gilmour-a'n an album paruka 1969 Fender Stratocaster guitar a hman chu lilam niin USD mtd 16.6 a hralh a ni a, auction house Christie chuan guitar an hralh to ber zinga mi a nih thu a sawi. Gilmour hian 1969 Fender Stratocaster 'Black Strat' tiha hriat bawk hi kum 1970 leh 1983 inkara an album 'The Dark Side of the Moon', 'Wish You Were Here' leh 'The Wall' ahte a perh a ni.

Guitar hi Ningania New York-a rock memorabilia auction-ah a leitu hming tarlan loh hnenah hralh a ni. Gilmour-a guitar an hralh hian a hmaa record siamtu retro acoustic-electric 1959 Martin D-18E, Kurt Cobain-a'n kum 1993-a Nirvana MTV Unplugged performance-a a perh chu a khum. Cobain-a'n music video 'Smells Like Teen Spirit' a a guitar hman fender Mustang pawh USD mtd 6.9 a hralh a ni. English rock band, The Beatles member John Lennon piano pawh USD mtd 3.2 a hralh ni bawk. Live auction hi kum kaltaa thi ta, billionaire American businessman Jim Irsay-an item a lakkhawm hmanga neih a ni.

Hetih mek lai hian Fender chuan kum 1951-a a siam electric guitar Telecaster chu a kum 75 tlinna an lawm a, kum 75 tlin denchhen hian Fender chuan Telecaster special edition panga an tichhuak.