Doordarshan Mizoram Indigenous Games & Cultural Festival 2026: Zaninah Zaii Hauchhum, Mawimawia leh Youngfella inlan dawn

Doordarshan Aizawl leh Mizoram Indigenous Games Association (MIGA) thawkdunin an buatsaih, Doordarshan Mizoram Indigenous Games & Cultural Festival 2026 chu zanin hian a ṭiak dawn ta.

Ramhlun Sports Compex-a hun hmanah hian Mizo infiamna chi hrang hrang hmangin chhunah inelna neih a ni a, zan lamah zaithiamte nen hun hman ṭhin a ni. Vawiin lamah a hmawr bawk a ni tawh dawn a, chawhma dar 10 aṭangin Mizo infiamna ngaihlutute tan en tur a awm dawn. Zan lamah Youth Icon star Mawimawia, ṭhalaite duh rawn Youngfella, boruak nei lian Zaii Hauchhum leh Crystal Malsawmi bakah, chuai thei lo H. Vanlalhlana ten pungkhawmte zaiin an awi dawn. Fit In Dance Studio-te’n lam hmuhnawm tak an entir dawn bakah Zunleng Cultural Club (Hrangbana College) te’n Mizo hnam lam hmuhnawm tak an entir dawn bawk. Infiamna hrang hrang final a ni dawn bawk a, Mizo infiamna ngaina tan chuan zanin chu Ramhlun Sports Complex lam pan tawp chi ang.

Programme hi DD Mizoram Channel-ah leh DD Mizoram Youtube Channel lamah live-a pek chhuah a ni.