Zaninah 'KA RAM' tlangzarh dawn

Mizo film thar, Maduha Pictures kutchhuak 'KA RAM' chu zanin dar 7:45 hian Vanapa Hall-ah tlangzarh a ni dawn. Zanin vek hian Lersia leh Aidu play-ah en theih a ni nghal bawk ang.

'KA RAM' film hi Zodina Ralte direct niin, Muantea Khiangte ziah a ni, director of photography hi Vanlalsiama a ni. Maduha Pictures & RZM Designing Construction-te chu producer an ni. Film-a a changtute zingah hming langsar tak tak; Youth Icon star J. Lalrosanga, model Nunui Rualhleng, Mazualtea, Maruata Royte, Numami, Chhana, Dada leh Khenga-te an tel. Film ziaktu hian Mizorama ruihhlo hluar dan leh a do kawnga CID-ten harsatna an tawh nasatzia a tarlang. A thawnthu hrulah hian inhmangaihna thawnthu ngaihnawm tak chu a sub-plot anga tarlan a ni bawk. Crime thriller huanga khung theih film hmuhnawm tak a ni tih producer Maduha chuan Vanglaini a hrilh.