Paapa Essiedu-in Prof. Snape lem a chan avangin vauna tawk

HBO Max adaptation 'Harry Potter' series-a role pawimawh tak changtu, Paapa Essiedu chuan an project khawih mekah Prof. Snape lem a chan avangin thaha vaukhanna a tawk tih interview a neihnaah a sawi. Essiedu chuan HP series thara role a chan tur chu a bansan loh chuan thah hial pawh an hreh lo niin The Sunday Times of London-in a kawmnaah a tarlang.

Essiedu hi potion master tia hriat Snape lem chang tura tihfel tawh niin, a hma hian Alan Rickman chuan he role hi Harry Potter hmasa zawkah khan a lo chang tawh ṭhin a ni. Rickman hian a hnehsawh em avang hian fan toxic tak tak chuan Essiedu hi tih elna leh deusawhna lam hawi zawngin an bei zui a, thah hiala vaukhanna pawh a tawk zui a ni.

Harry Potter series thar hi nakkum 2027 khian HBO Max-ah tlangzarh hman tum niin, he series-ah hian a changtu zawng zawng pawh a thar vek hman an ni. Harry lem chang tur hian Dominic McLaughlin thlan niin, Hermione Granger lemah Arabella Stanton leh Ron Weasley lemah hian Alastair Stout-te an chang ang.