Country Music Hall of Fame-a lak luh tur zingah McGraw tel

Country Music Hall of Fame chuan kar liam ta kartawp khan kumina lak luh tur, class of 2026 an puang a, lak luh turte hi Tim McGraw, Paul Overstreet leh Stanley Brothers te an ni.

Country Music Hall of Fame-ah hian kumtin lak luh thar nei mah se, kum khat artist/indusry figure pathum chauh lak luh anni ṭhin. Artist huangah category pahnih - Modern Era Artist category leh Veterans Era Artist category awmin a hnuhnung zawk hi kum 1980 hma lama rimawi lam luh chilh tawhte huang atan dah a ni. McGraw hi contemporary huang aṭanga lak niin, Stanley Brothers hi old-school lam aṭanga lak luh an ni ve thung a, kum 1947 khan recording an lo ti daih tawh a ni. A category pathumna hi Non-Performer and Recording/ Touring Musician lam a huam ve thung a, Songwriter nen an kar thlak tir ṭhin. Kumin hi Songwriter lam chan niin, hemi huangah Overstreet hi thlan a ni.