BTS album tharin musical platform lianah record siam

South Korea megastar, BTS chuan kar liam ta Zirtawpni, March 20-a kum li dawn hnuah album thar, 'Arirang' tichhuakin music platform lian, Spotify leh Apple Music ah record an siam nghal.

'Arirang' hi tihchhuah a nih hmain Spotify-a Countdown Pages-ah pre-saved album nei ngah ber zinga mi niin presave mtd 5 chuang a nei hman. Tlangzarh a nih hnuah kum 2026 chhunga ni khata album stream ngah ber niin darkar 24 chhungin stream mtd 110 a nei tling nghal. Hei bakah Spotify-a K-pop album stream ngah ber record a siam bawk. Album-ah hian track 14 awmin Spotify global top 50 chart-ah an lang vek a, an lead single, 'Swim' chu region 88-ah iTunes charts No 1 a ni bawk. A ni khat ni hian sales mtd 3.98 a nei nghal bawk a ni.

Apple Music-ah pawh 'Arirang' hian record siamin, pop group album tihchhuah tawhah a ni khat nia stream ngah ber an ni bawk.