Femina Miss India Mizoram atan BC Lalmuankimi thlang

Femina Miss India Mizoram atan BC Lalmuankimi d/o TBC Hnuna, Bethlehem Veng nula thlan a ni a, Femina Miss India vawi 61-na neih turah Mizoram ai a awh ang.

Femina Miss India-a Mizoram aiawh tura thlannaah finalist pahnihte chu mimal harsatna avanga an tel theih dawn tak loh avangin, Femina Miss India talent partner CG Entertainment chuan BC Lamuankimi chu Mizoram aiawh turin a thlang a ni. Kimi hian Bachelor of Pharmacy zo tawhin Master of Pharmacy zir turin a inbuatsaih mek a ni.

61st Femina Miss India hi March 26 hian Mumbai ah neih ṭan a ni dawn a, state hrang hrang aiawhte an inel dawn a ni. April 18 ah Bhubaneswar, Odisha-ah grand finale neih a ni ang. Femina Miss India winner hian Miss World thlannaah India ram ai a awh ang.