China Box Office-ah 'Hopper' a che ṭha

China Box Office chart tharah, Disney animated adventure 'Hoppers' chu No 1 ah a awm. Kar hmasa chhung khan RMB mtd 66.3 (USD mtd 9.3) a lak luh belh a ni tih Artisan Gateway chuan a tarlang. Columbia Pictures science-fiction epic 'Project Hail Mary' chu tlangzarh a nih aṭanga a kar khatnaah pahnihna dinhmun luahin, USD mtd 6.9 a la lut a ni.

Racing-comedy 'Pegasus 3' chu sum la lut tam pathumna a ni a, kar hmasa chhung khan USD mtd 5.7 a lak luh belh a, sum a lak luh tawh zawng zawng hi USD mtd 606.6 a tling. Palinaah martial arts epic 'Blades of the Guardians' awmin, USD mtd 2.9 lak luh belhin sum a lak luh tawh zawng zawng chu USD mtd 195.6 a ni. Chinese spy thriller film 'Scare Out' chu panganaah awmin, kar hmasa chhung khan USD mtd 2.2 a lak luh belh a, sum a lak luh tawh zawng zawng chu USD mtd 186.6 a tling.