Priyanka-i'n Belize school naupangte tan Crocs pe dawn

UNICEF Goodwill Ambassador Priyanka Chopra Jonas chuan Belize rama ṭanpui ngai school naupangte hnenah UNICEF kaltlangin an bun tur, Crocs Classic clogs pair 50,000 a pe dawn.

Hmanni lawk khan pheikhawk siamtu company Crocs-te chuan Priyanka hi an thawhpui thu an tarlang a, an company in nakkum aṭanga “Come As You Are” marketing campaign an neih tur atan Priyanka hi global brand ambassador atan an ruat a ni.

"UNICEF Goodwill Ambassador ka nihna ang­in, pawl hrang hrangte nen thawhho a khawvel hmun hrang hranga naupang ṭanpui ngaite tana ke pen chhuah hi a ṭul a ni," tia sawiin Priyanka chu nakkuma naupangte tana a hma lakna turah a phur tawh hle a ni.