GEG 2026 World Final-ah India-in Gold leh Bronze la

Eflag Corp leh Global Esports Federation (GEF) bultuma tournament buatsaih, Global Esports Games (GEG) 2026 World Final, Mumbai a neih chu zawhfel a ni ta. He tourney-ah hian India aiawhtu, Anuhith Gosala chuan Clash Royale huangah Kazakhstan aiawh hnehin Gold medal a la a, hei bakah Dota 2 huangah India Team chuan bronze an hum haw bawk.

Tourney hlawhtlin theihna tur hian Maharashtra Tourism nen thawk hoa hmalak niin, South Asia huam chhung rama GEG World Final nghah hmasak ber na a ni. Event hawnnaah hian Maharashtra chief minister Devendra Fadnavis chuan hun a hmang a; India-a AVGC (Animation, Visual Effects, Gaming, and Comics) sector ṭhan nasat thu a sawi lang.

Event buatsaihtu GEF chuan India-a digital infrastructure leh thiamna neite tihhmasawnna turin kum 10 chhung thawh dunna tur, strategic partnership-ah inremna an nei tih an tarlang. Kumin December-ah khian GEG in elna lian chu North America lamah Los Angeles-ah neih a ni ve leh dawn a ni.