Celine Dion-i'n concert comeback nei dawn

Canadian singer leh entrepreneur, Celine Dion chuan kum 2024-a Paris Olympics opening ceremony-a Edith Piaf hla 'Hymne A L'Amour' a sak aṭanga rimawi a chawlhsan hnuah, France-ah concert comeback lian tham a nei dawn tih puan a ni.

He thu hi French-Canadian chanchinbu La Presse chuan Pathianni khan puangin, Thawhṭanni khan Dion hla lar tak tak zingah, 'Pour que tu m’aimes encore' leh 'Power of Love' tihte chu Paris kawtthlerah campaign poster atan pholan a ni. Dion hi kumin favangah Paris La Défense Arena-ah a perform dawn a, La Presse-in a tarlan danin September leh October thlaah seat 40,000 awmna Arena-ah hian concert vawi hnih a nei dawn.

Dion Paris concert hi kum 2020-a neih tura ruahman a ni a, mahse pandemic leh a hriselnaah harsatna a tawh avangin sawn hlat a ni. Kum 2022 khan Stiff Person Syndrome (SPS) a nei tih hmuh chhuah a ni bawk a, a natna chungchang hi 'I Am: Celine Dion' tih documentary kum 2024-a tihchhuahah tarlan a ni.