'Spider-Man: Brand New Day' trailer-in ni 4 chhungin view tld 1 nei tling

Marvel super hero zinga lawm leh ngaihsan hlawh, Spider-Man movie thar tur 'Brand New Day' trailer, March 17-a tihchhuah chuan tihchhuah aṭanga ni li chhung lekin entu tluklehdingawn khat a nei tling. Movie trailer tihchhuah tawh zingah entu tld 1 nei tling thei hmasa ber a ni. 'Spider-Man: Brand New Day' hi kumin July 31 khian tlangzarh tum a ni.

Spider-Man movie thar trailer hian tihchhuah aṭanga darkar riat chhungin view mtd 373 a nei a, darkar 24-ah view mtd 718.6 a nei tling a ni. A hmaa darkar 24 chhunga movie trailer view-tu ngah ber chu “Deadpool and Wolverine,”niin view mtd 365 a nei a; mahse Spider Man hian a rawn khum chiang hle. Movie huan pawnah pawh darkar 24 chhunga view mtd 475 nei “Grand Theft Auto VI” video game trailer record pawh a rawn khum nghal bawk.