Ivor Novello Awards nominee puang

Kumin May 21-a London-a 71st Ivor Novello Awards neih tura nominee te puan niin, an zingah hian Olivia Dean, Lola Young, Lily Allen, Coldplay, CMAT leh Florence + the Machine-te an tel.

Ivor Novello Awards hi British Academy of Songwriters, Composers, and Authors tih ṭhin, Ivors Academy tia thlak takin hla siamtu leh phuahtute puala chawimawina a siam a ni a, kum 1956 aṭang khan neih ṭan a ni. Kumina nominee zingah hian British, Irish leh U.K-a cheng songwriter leh composer 61 bakah US based songwriter-te an tel. An zinga mi 34 chu nominate an nih vawi khatna a ni.

Olivia Dean, Wolf Alice band vocalist leh guitarist Ellie Rowsell, Jacob Alon leh Kae Tempest-te chuan nomination pahnih ṭheuh an hmu. Little Simz chu a vawi ngana atan best contemporary song-ah nominate leh niin, kum 2020 khan best album leh kum 2022-ah best contemporay song-ah award a lo dawng tawh a ni.