'Lord of the Rings' movie thar siam dawn

Warner Bros. chuan American comedian leh writer, Stephen Colbert leh a fapain 'Lord of the Rings' movie thar an siam dawn tih an puang. He thu hi Thawhlehni zan khan studio social media account hrang hrangah tarlan a ni. 'Lord of the Rings' director Peter Jackson chuan movie thar hi kum 2027-ah tlangzarh tura ruahman a ni tih sawiin, script pawh a ṭhat thu leh film ṭha tak siam an inbeisei tih a tarlang.

'Lord of the Rings' project thar hi blockbuster development lama Colbert thawhna hmasa ber tur niin, kum 2013 khan Jackson nen 'The Hobbit: The Desolation of Smaug'-ah an lo thawk dun tawh a, khami ṭum khan chanvo lian tham lo tak a nei thung. Kum 1937-a Tolkien-a'n 'The Hobbit' tih lehkhabu a hlawhtlinpui hnuah, kum 1950 bawr chho khan 'The Lord of the Rings' hi a ziak leh a ni. Jackson chuan he fantasy saga hi film pathumah siamin, kum 2001, 2002 leh 2003 khan tlangzarh a, film hmang hian Oscar award 17 an dawng bawk.