Netflix subscription fee tihsan a ni

Khawvel huapa movie streaming platform lian, Netflix chuan an subcription man chu sawi lawk awm loin an tisang leh ta. Company lam hian ad-support tier thla khat subscribe man hi USD 7.99 aṭangin USD 8.99 ah an tihsan thu an sawi.

Company lam chuan hman man an tihsan chhan sawiin, entertainment huangah zau zawka hma an sawn chhohna leh hmangtute tana service ṭha an pek ṭhintein a nghawng a nih thu an tarlang. Netflix hmang thar turte chuan March 26 Ningani aṭang khan a man tihsanna zat hi an chawi ṭan tawh thu leh platform hmang ṭhin sate chuan thla khat hma lamah khan mail an dawn vek thu an tarlang.

Netflix hian hman man an tihsan hnuhnung ber chu nikum January kha niin, khami hnu khan company lam chuan an platform chu nasa zawka tichangtlungin thil thar tam tak an dah belh tawh a ni. Thil thar dah belh zingah hian video podcast bakah livestreaming content tharte a tel a, hei bakah company chuan mobile app revamp an tum thu an lo sawi tawh bawk.