Zacky Vengeance solo album a chhuak hnai

Avenged Sevenfold left-handed guitarist, Zacky Vengeance solo album chu April 3 hian a chhuak dawn. A album hi ' Dark Horse' tih a ni a, a stage name Zacky Vengeance tih ni loin a hming tak Zachary Baker tih a hmang dawn a ni.

Baker hian a album thara title track, 'Dark Horse' hi nikum Decmeber thla khan a tichhuak a, tun hnaiah a single pahnihna, 'Lighthouse' a tichhuak leh tawh bawk. Baker hi kum 2016 khan Total Guitar chuan Synyster Gates nen Best Metal Guitarist in the World ah a lo thlang tawh a ni. A album-ah hian hla 11 a awm dawn a, limited-edition vinyl a tihchhuah a ni dawn a; gold, pink leh black variant a awm dawn a, a hming sign-na 'Lighthouse' lyric sheet dah tel a ni dawn bawk.