James Blake-a'n Kayne West album aṭangin a production credit paih phut

English singer-songwriter leh record producer, James Blake chuan Kayne West album thar ber 'Bully'-a hla pakhat 'This One Here' aṭangin a production credit paih a phut. Blake chuan he hla original version chu kum eng emaw zat liam ta khan record a nih thu leh, album tharah erawh version danga sak a nih thu a sawi.

Direct-to-fan streaming platform, Vault-a post a siamah Blake chuan mi dang hnathawha credit lak a duh loh avangin producer credit aṭanga a hming paih a duh thu leh, version thar chu Ye nen an siam a nih loh thu a tarlang. Kum sawm liam ta chhunga West-a'n album a tlangzarh tam zawk ang bawkin 'Bully' pawh hi official-a tihchhuah a nih hmain vawi eng emaw zat thlak danglam a ni. Artist pahnihte hi an lo thawk dun fo tawh a, mahse tun hnaiah erawh thawh dunna an nei lo.