Rimawi chhuak thar fan-te duh ber Melanie Martinez hla ‘HADES’

American singer leh songwriter kum 2012 bawr chhoa The Voice aṭanga khawvel hriat hlawh ni chho, Melanie Martinez studio album palina 'HADES' chu kar hmasa chhunga rimawi chhuak thar zinga fan-te duhber a rawn ni nghal. Billboard Poll siamah hian artist hrawl tak tak Miley Cyrus, Charlie Puth, leh RAYE-te lang ve bawk mah se Martinez an tluk zo ta lo a ni.

Melanie Martinez album tharah hian track 18 awmin kum 2023 hnua album a tihchhuah leh hmasa ber a ni. Poll-a vote tla zawng zawng aṭangin 67.07% a hmu phak a, amah hnaih bertu Conan Grey hian hian a hla 'The Best' hmangin vote 20.60% a hmu phak bawk.

RAYE chuan 'This Music May Contain Hope' hmangin vote 7.76% hmuin pathumnaah a lang a; hetih laiin Charlie Puth leh Miley Cyrus te erawh chuan vote 1.62% leh 1.45% chauh an hmu phak thung.