'Dhurandhar 2' in ni 11 chhung lekin khawvel pumah Rs vbc 1,365 lalut tling tawh

Aditya Dhar kutchhuak, tunhnai Bollywood film chhuak thar zinga thawm nei lian ber pawl 'Dhurandhar The Revenge' chu khawvel hmun hrang hrangah a sum lak luh pung zelin, March 19-a tihchhuah a nih aṭangin Rs vbc 1,365 a la lut tling tawh. Film-ah hian Ranveer Singh chu changtu ber niin Bollywood star eng emaw zat an inlan bawk.

'Dhurandhar' hmasa an channa, Karachi khaw chhunga Lyari bial, gang inbeihna leh innghirngho hmun anga hriat larah bawk a chhunzawmna hi chan leh a ni. Hamza Ali Mazari (Ranveer Singh), India intelligence thuruk vawngtu chu Karachi-a mafia gang zingah a luhruk dan leh intelligence lam thuruk a thawh dan tarlan a ni. Khawvel thil thleng pawimawh tak tak leh firfiak thiltih hrang hrang, Kandahar thlawhtheihna hruia bo te, kum 2001-a Parliament beihna te, leh 26/11 Mumbai firfiak beihna thlengin an tarlang tel a ni.