China Box Office No 1 ah 'Project Hail Mary'

China Box Office chart tharah Columbia Pictures kutchhuak, science-fiction epic 'Project Hail Mary' chu No. 1 ah awmin, kar hmasa chhung khan RMB mtd 53.3 (USD mtd 7.5) a lak luh belh tih Artisan Gateway chuan a tarlang. Sum a lak luh tawh zawng zawng chu USD mtd 18.3 a tling tawh.

Chart hmasaa pakhatna, Disney animated adventure 'Hoppers' chu pahnihnaah tlahniamin, kar hmasa chhung khan USD mtd 5 lak luh belhin sum a lak luh tawh zawng zawng chu USD mtd 16.3 a ni. Pathumnaah racing-comedy 'Pegasus 3' awmin, USD mtd 3.4 a lak luh belh a, tlangzarh a nih aṭangin USD mtd 612.3 a la lut tling tawh.

Martial arts epic 'Blades of the Guardians' chu palina niin USD mtd 1.9 a lak luh belh a, Comedy-drama 'It's OK' chuan USD mtd 1.7 la lutin panganaah a awm a ni.