'Tomb Raider' production chawl lailawk

Prime Video adaptation, 'Tomb Raider' production chu a changtu ber English actress Sophie Turner inhliam avangin chawlh lailawk a ni. Turner hian Lara Croft lem changin, Phoebe Waller Bridge chu writer leh executive producer a ni.

'Game of Thrones' star Turner hian hliam a neih avangin production hi thla khat aṭanga thla ruk thleng shut down a ni dawn. Prime Video aiawh pakhat chuan Turner chu a hliam enkawl dam a nih hunah production pawh a rang lama neih chhunzawm leh a ni ang, a ti. Series tlangzarh hun tur hi puan la ni lo mah se, nakkuma tlangzarh tura ruahman a ni. Shooting hi kumin January thla aṭang khan neih ṭan a ni tawh.

'Tomb Raider' hi kum 1996 khan video game-a tlangzarh a ni a, game thar pahnih- 'Tomb Raider: Legacy of Atlantis' leh 'Tomb Raider: Catalyst' chu kumin leh nakkumah tlangzarh a ni ang. Kum 2001 khan Angelina Jolie chu 'Lara Croft: Tomb Raider' ah changin, kum 2018 khan 'Tomb Raider' movie-ah Alicia Vikander a chang a ni.