Taylor Swift-in album hming avangin khin a tawk

Taylor Swift album thar ber 'The Life of a Showgirl' chu Las Vegas Weekly-a thuziaktu leh podcast host ni bawk, Maren Wade chuan Thawhṭanni khan California federal court-ah a trademark 'Confessions of a Showgirl' nen a inang nia sawiin, TS hian a ruksak tia puhin a khing.

Khinna an theh luhah hian 'The Life of a Showgirl' tih chu Wade trademark nen a in an em avangin US Patent and Trademark Office pawhin TS album hming hi an lo chhinchhiahsak duh lo niin an tarlang. Wade ukil chuan "Thawhrimna vanga brand lian tak lo din tawhtute hian, mi lian zawk danga lo lan avang ngawta an hming an hloh hi a dik lo a ni" tiin a sawi.

TS leh Wade-te trade mark-ah hian 'of a Showgirl' tih a awm ve ve avangin leh, he production pahnihte hian entertainment leh rimawi bakah theatrical performance-te an ken tel dun avangin consumer-te chuan thawk dun angin an ngaih phah thei niin khinnaah hian tarlan a ni.