'Scream 8' buaipui ṭan

Spyglass Entertain-ment chuan 'Scream 8' a buaipui leh ṭan ta. Film installment pariatna hi Lilla leh Nora Zuckerman, Zuckerman sisters tiha hriat larte chuan an ziak dawn a ni. February 27 khan 'Scream 7' tlangzarh a ni a, a hlawhtling hle. He film hi franchise-a sum la lut hnem ber niin, khawvel pumah USD mtd 200 chuang a la lut a, Imax theatre-a tihchhuah hmasak ber a ni bawk.

'Scream 7' director Williamson chuan thla hmasa thla tir lam khan, 'Scream 8' siam a nih dawn chuan director a ni chhunzawm dawn lo tih a sawi tawh a, tunge director ni dawn tih sawi chian a la ni lo. Box office lamah 'Scream 7' kha hlawhtling viau mah se, Rotten Tomatoes-ah 31% leh CinemaScore B chauh a hmu thung a, franchise zinga hmu hniam ber a ni. Hei vang hian writer pawh a thar rawih an ni dawn a, a plot leh tlangzarh a nih hun tur pawh sawichian a la awm lo.