Olivia Rodrigo-i'n album tlangzarh hun tur puang

American singer-songwriter Olivia Rodrigo chuan a album thar, 'You Seem Pretty Sad for a Girl So in Love' tih chu kumin June 12 hian Geffen Records kaltlangin a tlangzarh dawn tih a Instagram-ah puangin, post-a siamah hian a album cover tur pawh a tarlang tel a ni.

Rodrigo hian a album hmasa pahnih, 'Sour' leh 'Guts' a a lo thawhpui tawh producer Dan Nigro nen album thar hi an record leh a ni. A album thar chu a chhuan thu leh, a fan-te ngaihthlak atan tlangzarh thuai a chak tawh thu a sawi. Rodrigo hi kum 2021-a a album 'Sour' hmangin rimawi khawvelah hriat a hlawh ṭan a, album aṭanga a single 'Driver's License' pawh a hlawhtlinpui hle. Kum 2023-ah 'Guts' album tlangzarh lehin, kum kalta chhung khan music festival hrang hrangah a perform a, chung zingah chuan Governors Ball leh Glastinbury-te an tel.