U2-in EP thar tlangzarh

Irish rock legend, U2 chuan kumina a vawi hnihna atan EP thar, hla paruk awmna 'Easter Lily' tih chu 'Days of Ash' an tihchhuah aṭanga ni 40 liam hnuah an tlangzarh leh. An band drummer Larry Mullen-a'n zai a tawh avanga hun eng emaw chen an thawm a reh hnuah,nikum khan studio album pahnih an record mek thu an lo sawi tawh a ni.

Kumina EP an tihchhuah pahnihte hi kum 2017 hnu lama hla thar collection an tihchhuah hmasak berte niin, U2 fanzine Propaganda digital e-zine edition hmanga tihchhuah a ni. U2 band hi kum 1976 khan Dublin-ah din a ni a, khawvela rock band hlawhtling ber pawlah telin, album hi copy mtd 175 chuang an hralh chhuak a ni. Grammy awards vawi 22 an dawng tawh bawk a, music charts-ah vawi tam tak pakhatna an lo ni tawh bawk. Band member- Bono (Paul Hewson), The Edge (David Evans), Adam Clayton leh Larry Mullen Jr-te hian kum 50 chhung band hi an kalpui tawh.