Raja Ravi Varma lemziak Rs vbc 167.2 in hralh

Lemziak thiam, Raja Ravi Varma-a kutchhuak ‘Yashoda and Krishna’ chuan India art khawvelah record thar siamin, lilamnaah a lemziak chu Rs vbc 167.2 ( USD mtd 18) zetin hralh a ni, India rama lemziak hralh tawh zinga man to ber record thar a siam.

He lemziak hi kum 1890 chho vela a ziah niin, Saffronart-in Mumbai-a ‘Spring Live Auction’ an buatsaihah zawrh a ni a; Serum Institute of India neitu, billionaire Cyrus S. Poonawalla chuan a lei a ni.

Lemziakah hian Yashoda-in nausen Krishna duat taka a awm lai tarlan a ni a, hmangaihna leh inlaichinna thuk tak tarlangtu a ni. Art lam mi thiamte chuan he thil hian khawvel pumah India art hlutna sanzia a nemnghet tih an sawi s, he milem hi ‘National Treasure’ (Ram ro hlu) anga ngaih a nih avangin, a leitu Dr. Poonawalla chuan mipui nawlpuiin an thlir theih nan hmun lailiah pho chhuah a tum thu a sawi bawk.