Spaceballs Sequel: Kum 40 hnuah Lord Dark Helmet a rawn let leh dawn!

Kum 1987-daih tawha chhuak, sci-fi comedy hlawhtling leh lar zet 'Spaceballs' chuan a chhunzawmna a nei dawn ta. He thu hi kar liam ta khan Amazon MGM Studios chuan puangin, film chhunzawmna hi nakkum 2027 April thlaa tlangzarh turin ruahmanna an siam fel tih an tarlang.

Film-ah hian lemchan thiam Rick Moranis a rawn inlan leh dawn a, fan-te an phur tawh hle. Original cast dangte—Bill Pullman (Lone Starr), Daphne Zuniga (Princess Vespa), leh George Wyner (Colonel Sandurz) te pawh an rawn inlan leh vek dawn a. Kum 99 mi ni tawh, comedy khawvela 'Legend' ni bawk Mel Brooks pawh a Yoga-esque character 'Yogurt' anga hmuh leh beisei a ni.

Film thupui tur erawh thup a la ni a, mahse, thupui (title) tura an sawi pakhat chu "The title is rumored to be the name of the movie" tih a ni. He film hi reboot emaw, prequel emaw ni loin, "non-prequel non-reboot sequel part two" tia sawi a ni bawk. Sci-fi leh comedy lawm ṭhalaite tan chuan a nghahhlelhawm tawh hle ang.