CORTIS mini-album pre-order copy mtd 1.22 tling

South Korean boy band, CORTIS chuan an mini-album pahnihna, 'GREENGREEN' an tihchhuah turah, distributor YG Plus leh Universal Records-te'n data an tihchhuahah, April 2 thleng khan pre-order copy 1,227,986 an nei tling tawh.

Album hi March 27 aṭang khan pre-order ṭan theih niin, an album hmasa ber 'COLOR OUTSIDE THE LINES' tih Hanteo Chart-a copy 436,367 record an siam aiin a let thum velin a tam zawk a ni. Big Hit Music chuan May 4-a album tlangzarh turah hian pre-order a la pun belh zel an rin thu an sawi. Hei bakah March 31 thleng khan 'GREENGREEN' hi Spotify-ah pre-save 565,000 chuang a nei tawh bawk. CORTIS hian an album title track 'REDRED' tih chu music video nen April 20-a an ram huna zan dar 6-ah an tlangzarh dawn a ni.