Sao Paulo show-ah Guns N' Roses perform

American hard rock band, Guns N' Roses chuan Inrinni liam ta khan Brazil-a São Paulo Allianz Parque-ah an hla 'Bad Apples' chu kum 35 hnua a vawi khatna atan an perform. Hei hi he hla live-a an perform vawi hnihna niin, kum 1991 khan Rio-a Brazil Rock-ah an lo perform tawh a ni.

Inrinnia show an neihah hian an album 'Use Your Illision I' a an hla 'Dead Horse' bakah 'Appetite for Destruction' album a an hla 'Rocket Queen' an perform bawk a ni. Kumin kumtir lama Las Vegas radio station KOMP 92.3 a interview-ah, band guitarist Slash chuan kumina an world tour March 28-a Monterrey, Mexico-a Tecate Pa'1 Norte festival-a khuh hawnnaah an hla hlui leh hla thar eng emaw zat an sa dawn tih a sawilang.

GNR hi vawiin hian Brazil-a São José do Rio Preto-ah an perform leh dawn a, April thla tawp lama Florida an pan hmain Brazil-ah hian show eng emaw zat an nei bawk dawn a ni.