Korea Box Office No 1 ah 'Project Hail Mary'

South Korean box office chart tharah American science fiction film, Ryan Gosling channa 'Project Hail Mary' chu No 1 niin kar hmasa chhung khan USD mtd 2.4 a lak luh belh tih Korean Film Council enkawl KOBIS data chuan a tarlang. A sum lak luh tawh zawng zawng chu USD mtd 12.2. a tling tawh a ni.

Pahnihnaah South Korean historical drama film, The King's Warden' awmin, kar hmasa chhung khan USD mtd 1.7 a lak luh belh a, sum a lak luh tawh zawng zawng chu USD mtd 103.1 a tling. Film hian entu 16,091,712 a nei tling tawh bawk. Local crime-action comedy 'The Ultimate Duo' chu pathumnaah awmin, kar hmasa chhung khan USD 263,270 a la lut a ni. April 2-a tlangzarh a nih aṭangin USD 349,149 a la lut tling tawh bawk.

Japanese romantic drama 'The Last Song You Left Behind' chu palinaah awmin, kar hmasa chhung khan USD 257,847 la lutin, April 1-a tlangzarh a nih aṭangin USD 371,666 a la lut tling tawh a ni. 'Demon Slayer: Kimetsu No Yaiba Infinity Castle Arc' chuan kar hmasa chhung khan USD 293,306 lak luh belhin, sum a lak luh tawh zawng zawng chu USD mtd 41.4 a ni a, panganaah a awm a ni.