Wireless Festival sponsor aṭangin Pepsi inhnukdawk

Pepsi chuan kumin nipuia London-a Wireless Festival neih turah, Kayne West chu headline atana ruat a nih avangin ni thum awh tur event-ah hian main sponsor an nihna aṭangin an inhnukdawk tih an puang. US rapper Ye tia hriat bawk hian Juda-te huatna lam thu a lo sawi fo tawh ṭhin a, kumin January thla khan ngaihdam dilna a tichhuak leh bawk a ni.

Prime minister Keir Starmer chuan tun hnai khan Wireless festival-a West headline tura ruat a ni chu a lungawi loh thu sawiin, hun kal tawha Judate huatna leh Nazism a lo fak tawh ṭhinna chu theihnghilh theih a nih loh thu a sawi a ni. Judate huatna sawilan fo chu thil ṭha lo tak a nih thu leh hetianga ti ṭhinte lakah hmalak zel a ṭul tih PM chuan sawiin, Britain chu Judate thlamuang leh him taka an awmna hmun a ni, a ti. British alcoholic beverage company, Diageo pawhin kumina Wireless festival chu an sponsor dawn lo tih company thupuangtu chuan a sawi bawk.