Rimawi chhuak thar fan-te duh ber Sofia D'Angelo 'Time'

Billboard poll kaltlanga kar hmasa chhunga rimawi chhuak thar zinga fan-te duh ber chu Sofia D'Angelo single thar 'Time' a ni. Poll a lang ve artist hrawl tak takin Sofia hi an tluk zo lo. Vote tla zawng zawng aṭanga 68.26% hmu phakin a sang filawr lak a ni.

Poll a chhawp chhuah zingah Anne Hathway hla sak, 'Mother Mary' film a soundtrack hman 'My Mouth Is Lonely for You' chu vote hmu tam pathumna niin vote 5.63% chauh a hmu phak thung. Palinaah Jack White hla 'G.O.D. And The Broken Ribs' chu vote 4.33% a hmu.

Fan-te duh ber thlanna poll tharah hian rimawi dah chhuahte zinga duh nei lote vote ṭhin 'Other' chu vote hmu sang ber dawttu a ni a, vote tla zawng zawng aṭanga 16.88% a hmu phak. Artist thawm nei lian rimawi chhuak thar awm loh a hriat hle a ni.