'Election' star Jessica Campbell a thi

Kum 1999-a tihchhuah 'Election' leh cult classic series 'Freaks and Geeks' star Jessica Campbell chu kum 38 mi niin a thi.

Jessica Campbell thih thu hi Nilaini khan tarlan a ni chauh a, a chhungte chuan hemi chungchang hi puangzarin December 29 khan a thi tih sawiin a thih chhan erawh an tarlang tel lo. Campbell hi a naupan deuh lai chuan film hrang hrangah a chang ve nual hman a, Matthew Broderick leh Reese Witherspoon-te nena an channa 'Election' phei chu a hunlaia film lar tak a ni. Mahse lemchan chawlhsanin naturopathic physician-ah a ṭang zui a ni.