'The Devil Wears Prada 2' original song-ah Lady Gaga leh Doechii

20th Century Studios chuan 'The Devil Wears Prada 2' trailer thar a tihchhuah rualin original song 'Runway' tih Lady Gaga leh Deochii sak an tichhuak. He hla hi trailer an tihchhuah tharah hian hman a ni.

Nikuma British Vogue-a Lady Gaga interview-ah, 'Anxiety' singer Doechii music a ngainat thu a lo sawi tawh a ni. Tun hnaia report tihchhuahah, Gaga hi he fashion film-ah hian a inlan dawn tih puan niin, a scene tur chu nikuma Mayhem Ball Tour-ah khan shooting neih a ni. Gaga hi 'Joker: Folie à Deux' -a a inlan hnua film-a a inlan lehna hmasa ber niin, Netflix series 'Wednesday' ah pawh a lo inlan tawh bawk.

'The Devil Wears Prada' hi kum 2003-a Lauren Weisberger novel ziah behchhana siam a ni a, a sequel hi kumin May 1 hian theatre-a tlangzarh tura ruahman a ni. Original star- Meryl Streep, Anne Hathaway, Emily Blunt leh Stanley Tucci-te an chang leh a ni.