Queen Latifah-i'n American Music Awards host dawn

Kumin May 25-a Las Vegas-a neih tur, 52nd American Music Awards chu American rapper, songwriter leh actress Queen Latifah chuan a host dawn. Latifah hi kum 1995-a award show-a a vawi khatna atana co-host a nih aṭanga kum 30 hnuah a rawn kir leh dawn a ni. Latifah chuan American Music Awards a host tur chu a phur tawh thu a sawi.

Nikum ang thoin kuminah pawh Dick Clark Productions leh CBS chuan AMA hi Memorial Day, May 25-ah an buatsaih leh dawn a, an ram huna zan dar 8-ah CBS-ah live-a pekchhuah a ni ang. Ceremony hi Paramount+ ah stream a ni bawk dawn a ni. AMA nomination chu April 14-ah puan a ni dawn a, fan-ten an vote theih hun chhung hi May 8 thleng hawn a ni ang. Award show-a perform tur leh presenter tur pawh puan thuai an ni dawn a ni.