Offset kahna thleng kaihhnawihah Lil Tjay man

Florida-a Seminole Hard Rock Hotel & Casino-ah Thawhṭanni zan khan silai hmanga inkahna a thleng a, he thila inhnamhnawih rapper lar Lil Tjay (Tione Jayden Merritt) chu police-te’n an man. He inkahnaah hian Migos member hlui Offset chu hliam tuarin damdawi in panpui a ni a, mah se ngaihtuahawm a ni lo.

Seminole Police Department tarlan danin, Lil Tjay hi mipui hmaa inbeih leh insual chungchangah man a ni a, a bail-na tur hi USD 500 bithliah a ni. Hemi bakah hian traffic dan bawhchhiatna dang avangin USD 2,500 bond siamsak a ni bawk. Police-te chuan he thil hi inhnialna aṭanga inṭan a nih thu leh mi pahnih an lo man tawh thu an tarlang. Lil Tjay leh Offset-te hi kum 2025 tir lam aṭang khan an lo inngaithei lo tawh hle a, Tjay hian livestream-naah Offset chu "pawisa nei lo" leh "pawisa khelh ching" tiin a leiba pawh a rul lo niin a lo puh tawh a ni.