Kayne West U.K. a luh an phal loh vangin Wireless Festival cancel

Kumin Wireless Festival, London-a neih tura headline atana ruat, Kayne West chu UK a luh phalsak a nih loh avangin festival pawh cancel a ni. West hi Judate huatna lam a lo sawi fo ṭhin avangin U.K. ah hian a luh an phal lo a ni.

Wireless Festival-in thuchhuah an siamah, Home Office-in Ye hi United Kingdom-a luh a phal lo a, he thil vang hian Wireless Festival pawh cancel niin ticket lei tawh zawng zawngte pawh refund an ni dawn tih an tarlang. Judate huatna eng lam hawi zawng pawha tih lan chu thil ṭha lo tak a nih thu leh ngawng ṭha lo a nei tih tarlan a ni bawk.

Kumin Wireless Festival-ah West a headline dawn tih puan a nih hnuah sawiselna a tam nghal hle a, prime minister Keir Starmer pawhin a pawm loh thu a lo sawi tawh bawk. Festival main sponsor Pepsi pawh a inhnuhdawh phah bawk.