Wildlife cameraman Doug Allan a thi

Wildlife cameraman leh photographer hmingthang, Doug Allan chu Nepal-a a trekking naah a thi. Allan, kum 74 mi hi BBC program hrang hrang- The Blue Planet, Blue Planet II, Planet Earth leh Frozen Planet-a cameraman pawimawh niin, English broadcaster David Attenborough nen pawh an lo thawk dun fo tawh a ni. A hnathawh avangin Emmy Award pariat a dawng tawh a, kum 2024 khan media leh environment awareness broadcast-ah a service avangin OBE atan ruat a ni.

A management company, Jo Sarsby Management chuan Allan chu wildlife filmmaking lama sulsutu a nih thu leh, a hnathawh chuan planet chanchin hriatthiamna tam tak a pe tih an tarlang. A talent ropui tak leh mi dang chunga a ṭhatna chu an theihnghilh tawh dawn lo tih sawiin, wildlife filmmaking-a a thawhpui, a chhungte, a ṭhiante leh a hnathawh ngainatute an tuarpui tih an tarlang bawk.