ENHYPEN-in Seoul concert ticket hralh zo chak

South Korean boyband, ENHYPEN chuan world tour khuh hawnna, Seoul concert vawi thum an neih tura ticket an hralh zo rang hle. An agency BELIFT LAB chuan April 9 khan thuchhuah siamin, 'ENHYPEN WORLD TOUR BLOOD SAGA IN SEOUL' concert ticket chu fan club presale April 7 leh 8-a neihah hralh zawh nghal vek a nih thu an sawi.

Concert hi May 1-3 hian Seoul- KSPO Dome-ah an nei dawn a, an fan-te zinga ticket chang lote chuan an performance hi live-in an en thei dawn a ni. 'BLOOD SAGA' hi member paruk anga world tour an neihna hmasa ber tur niin, khawvel puma an fan-te pawhin an ngaihven hle. An group hian tour poster an tlangzarh tawh bawk. July aṭangin ENHYPEN hian tour an nei ṭan dawn a, South America-ah an perform hmasa ber dawn a; North America, Asia leh Europe-ah tour an nei chhunzawm ang. Ram 21-ah show 30 chu nakkum March thla thleng an nei dawn a ni.