Wednesday S3-ah guest star 3 awm tur a chiang ta

Netflix-a tihchhuah, 'Wednesday' season 3 chhuak turah Lena Headey, Andrew McCarthy leh James Lance-te chu guest star turin an inlan dawn tih hriat a ni ta.Tun hnaiah Eva Green (Morticia unaunu tur), Winona Ryder leh Chris Sarandon-te pawh an tel dawn tih puan a lo ni tawh bawk.

Series-ah hian Jenna Ortega chu Wednesday Addams angin a rawn inlan leh dawn a, season 2-naa a ṭhiannu Enid (Emma Myers) chhan chhuah a tumna kha season tharah hian chhunzawm a ni ang. Tunah hian Dublin, Ireland-ah series hi shooting kalpui mek a ni. Cast hrim hrim hi an chhe lo hlawm hle a, Hunter Doohan, Joy Sunday leh Catherine Zeta-Jones-te pawh kan hmu leh dawn. Tim Burton chuan director hna a thawk leh dawn bawk a, Netflix-a en theih tura chhuah hun tur erawh hriat a la ni rih lo.