Pink-in Tony Awards host dawn

American singer-songwriter, Grammy pawh lo dawng tawh, Pink chuan kumin June 7-a Radio City Music Hall-a 79th Tony Awards neih tur a host dawn tih Tony Awards Productions chuan a puang. Pink chuan mi hlawhtling leh thawkrimte chawimawinaa host tura thlan a ni chu ropui a tih thu a sawi.

Pink hian kum 2000 aṭanga a music hmanga khawvel hriat a nih hnuah, studio album copy mtd 60 chuang a hralh chhuak tawh a, Billboard Hot 100 Top 10-ah vawi 15 lang tawhin, No 1 ah vawi li a lang tawh bawk. Grammy Awards vawi thum a dawng tawh a, Daytime Emmy Award leh MTV Video Music Awards vawi sarih a dawng tawh a, chung zingah chuan 2017 Vanguard Award pawh a tel. Holly Walk of Fame-ah lak luh ni tawhin, kum 2019 khan international artist zinga a hmasa ber atan BRITS Outstanding Contribution to Music Award a lo dawng tawh a ni. Kum 2023 leh 2024-a 'Summer Carnival Tour' a neih hmangin hmeichhe artist zinga sum la lut hnem ber a ni bawk.