Asha Bhosle a thi

Indian legendary singer, Asha Bhosle chu nimin Pathianni khan kum 92 mi niin Mumbai-a Breach Candy Hospital-ah a thi.

Bhosle hi a chuapah infection a neih vang leh a chauh thut avangin April 11, Inrinni khan Breach Candy-ah hian admit a ni. Hei bakah heart attack leh chuap natna a nei tih hospital chuan an sawi bawk.

Bhosle hian kum 80 chhung ṭawng hrang hrang hmangin hla 12,500 chuang a record a; Meena Kumari, Madhubala leh Zeenat Aman bakah Kajol, Urmila Matondkar, Padmini leh Vyjayanthimala-te tan a aw a lo thawh tawh bawk a ni. A hla sak lar tak tak zingah 'Abhi Na Jao Chhod Kar', 'In Ankhon Ki Masti', 'Dil Cheez Kya Hai', 'Piya Tu Ab To Aaja', 'Duniya Mein Logon Ko' leh 'Zaara Se Jhoom Loon Main' te an tel. Kum 2023 khan special concert 'ASHA@90: Live in concert' tih chu a kum 90 tlin champhaah Dubai-ah a nei a ni.