Korea Box office No 1 ah 'Salmokji: Whispering Water'

South Korean box office chart thar berah local horror-thriller, 'Salmokji: Whispering Water' chuan admission 536,451 aṭangin USD mtd 3.7 a la lut tih Korean Film Council enkawl KOBIS data chuan tarlangin, No. 1 ah a awm nghal. Film hi Lee Sang-min direct a ni a, Kim Hye-yoon leh Lee Jong-won te an chang.

Film hi official-a tlangzarh a nih aṭangin USD mtd 5 a la lut tling tawh a ni. Hollywood science-fiction epic, Ryan Gosling channa 'Project Hail Mary' chuan kar hmasa chhung khan USD mtd 2 lak luh belhin pahnihnaah a awm. March 18-a tihchhuah a nih aṭangin USD mdt 15.4 a la lut tawh a ni.

Pathumnaah 'The King's Warden' awmin kar hmasa chhung khan USD mtd 1.1 a lak luh belh leh bawk. Animated feature 'Running Man: Light & Shadow' chu palinaah awmin, karhmasa chhung khan USD 70,833 a la lut. Pixar kutchhuak 'Hoppers' chuan USD 83,572 la lutin panganaah a awm a, a sum lak luh tawh zawng zawng chu USD mtd 4.9 a tling.