Tom Dumont-a'n Parkinson natna a vei tih puang

American rock band, No Doubt guitarist, Tom Dumont (58) chuan kar hmasa khan video hmangin kum eng emaw chen Parkinson natna a vei tawh thu leh, enkawlna a dawng mek tih a puang. An band hi Las Vegas Sphere-ah residency nei turin an inbuatsaih mek a, he live show-ah hian a tel dawn tih a sawi bakah guitar pawh a la perh thei tih a sawi nghal bawk.

Dumont chuan a natna avang hian harsatna hrang hrang a tawh thu sawiin, music erawh chawlhsan a la tum lo tih a sawi. Vegas residency hi May 6 aṭanga June 13 chhungin show vawi 18 an nei dawn a ni. Dumont chuan kum tam tak musician a nih theihna chhanah a chhungte, a ṭhiante leh an hla ngaithlatute chungah lawmthu sawiin, show an neih tur pawh a phur tawh thu a sawi.

Celebrity zinga Parkinson natna vei mipui hriata puangzar zingah Michael J. Fox, Ed Begley Jr., Alan Alda, Judas Priest guitarist Glenn Tipton, Linda Ronstadt, Ozzy Osbourne, Neil Diamond, Maurice White, Loenard Maltin leh Jeff Cook-te an tel. Parkinson's Foundation chuan khawvel pumah mi mtd 10 chuangin he natna hi an vei s, U.S.-ah kum tin mi 90,000 velin Parkinson natna hi an vei tih an tarlang.