Justin Bieber-a'n Coachella 2026 a sawi nghing

Khawvel pop star lar, Justin Bieber chuan Inrinni zan khan Coachella Valley Music and Arts Festival-ah mipui a ṭhap hneh hle a, music khawvel a titi luah khat nghal hle. Festival-a inlan tura inremna an siam tarlan a nih danin, kar hnih chhunga a inlan manah weekend khatah USD mtd 5 ve ve a dawng tura ngaih a ni.

A hla thar chauh ni lo, a hla hlui leh a naupan laia YouTube-a a video lo lar tawhte chhuahin mipui mit leh beng a tlai hle. Minute 25 zet chu internet-a video thar (viral clips) hrang hrang leh a hla hit hmasa 'Baby', 'That Should Be Me' leh 'Never Say Never' te chhuahin mipui pungkhawmte nen an zaipui a, an thawm pawh a ring.

Bieber hi April ni 18-ah Coachella weekend hnihna atan a inlan leh dawn. Festival hi April 10-12 leh April 17-19, 2026 chhunga neih leh tura ruahman a ni a, Bieber hi he festival-a solo headliner anga a vawi khat inlanna a ni.

JB chetla vel chungchangah hian Katy Perry chuan fiamthuin, "YouTube Premium a lo nei hlauh chu a tihzia hle mai, ads en kual leh kha a ninawm dawn em mai," tiin a Instagram-ah a tarlang. Swedish pop star Zara Larsson pawhin a hun hman dan chu mimal tak leh mipuite tana hriatreng tur a nih thu a tarlang bawk.