Isua film thar tichhuak

Tihchhuah a nih dawn thu tarlan a nih aṭanga ngaihven hlawh tak, Isua film thar 'The Chosen' season one chu tihchhuah a ni ta.

He film thar hi entertainment app leh American streaming video company, VidAngel kal­tlanga thlangzarh a ni. 'The Chosen: Season One' tihchhuah a nih rual hian season dang trailer tih­chhuah a ni nghal bawk. 

'The Chosen: Season One' hi online-in 'The Chosen app' leh 'Vidangel.com' aṭanga en theih tura ruahman a ni. Director Dallas Jenkins chuan kum 2017 khan 'The Shepherd' tih film a siam a, hemi aṭang hian VidAngel company nen hian inhmelhriat chhoin, Isua film thar siam a nih theih nan kumin January thla khan 'fund' zawngin, investor mi 15,000 hnen aṭangin $mtd 10.2 an lalut. Hemi avang hian khawvela 'crowd funded media project' tamna ber film a nih phah hial bawk.

'The Chosen' hi download leh stream theih turin ram 142-ah pekchhuah a ni a, ṭawng hrang hrang 52-a lehlin a ni.